Janus Daði Smárason fór á kostum fyrir Álaborg í 30:27-sigri á Ribe-Esbjerg í dönsku úrvalsdeildinni í handbolta í kvöld. Rúnar Kárason lék vel með Ribe-Esbjerg.
Janus var markahæsti leikmaður Álaborgar með átta mörk í níu skotum. Ómar Ingi Magnússon lék ekki með liðinu vegna meiðsla.
Rúnar Kárason skoraði fimm mörk fyrir Ribe-Esbjerg og Gunnar Steinn Jónsson gerði þrjú mörk. Daníel Þór Ingason lék ekki með Ribe-Esbjerg.
Álaborg er í toppsætinu með 17 stig og Ribe-Esbjerg í öðru sæti með 13 stig.