Nær öruggt er að Ungverjar munu spila án leikstjórnandans snjalla Mates Lekais í úrslitakeppni Evrópumóts landsliða í janúar. Lekai, sem er fyrirliði ungverska liðsins Veszprém, meiddist illa á hné og verður frá keppni næstu mánuðina en hann er einn af lykilmönnum ungverska landsliðsins.
Ungverjar leika í riðli með Íslendingum, Dönum og Rússum á EM og verður riðillinn spilaður í Malmö í Svíþjóð.