Bjarki Már Elísson er að sjálfsögðu í liði 12. umferðar í þýsku Bundesligunni í handknattleik en hornamaðurinn fór á kostum í sigri Lemgo gegn Ludwigshafen um nýliðna helgi.
Bjarki Már skoraði 13 mörk úr 15 skotum og tyllti sér á toppinn yfir markahæstu leikmenn deildarinnar.
Bjarki hefur skorað 97 mörk í 12 leikjum Lemgo í deildinni sem þýðir að hann hefur skorað 8 mörk að meðaltali í leik. Þýski landsliðsmaðurinn Uwe Gensheimer í liði Rhein-Neckar Löwen er annar á markalistanum með 93 mörk og Daninn Hans Óttar Lindberg, fyrrverandi félagi Bjarka Más hjá Füchse Berlín, er þriðji með 89 mörk en hann er einnig í liði umferðarinnar.
Diese Spieler haben am 12. Spieltag mal so richtig abgeliefert❗💪 Was sagt ihr zur Mannschaft des Spieltags❓#LIQUIMOLYHBL #Handball pic.twitter.com/dhqUQCOqVi
— LIQUI MOLY HBL (@liquimoly_hbl) November 11, 2019