Fjölmargir íslenskir handboltamenn voru í eldlínunni víðsvegar um Evrópu í dag. Mbl.is fylgdist vel með og hér fyrir neðan má sjá hvernig leikmönnunum og liðum þeirra vegnaði.
Aron Pálmarsson og Guðjón Valur Sigurðsson spiluðu báðir vel er Barcelona gerði góða ferð til Parísar í Meistaradeildinni. Þá spiluðu Sigvaldi Björn Guðjónsson og Janus Daði Smárason einnig vel í keppninni.
MEISTARADEILD EVRÓPU
París SG - Barcelona 32:35
Guðjón Valur Sigurðsson skoraði 4 mörk fyrir París SG og Aron Pálmarsson skoraði 6 fyrir Barcelona. Barcelona komst í toppsæti A-riðils með sigrinum en PSG er í 3. sæti. Stefán Rafn Sigurmannsson og samherjar hans í Pick Szeged eru í 2. sæti riðilsins þegar fjórum umferðum er ólokið.
GOG - Dinamo Búkarest 31:32
Óðinn Þór Ríkharðsson skoraði 2 mörk fyrir GOG, Arnar Freyr Arnarsson 1 og Viktor Gísli Hallgrímsson varði 14 skot í marki liðsins. GOG endar í 3. sæti D-riðils og er úr leik.
Elverum - Celje Lasko 37:26
Sigvaldi Björn Guðjónsson skoraði 6 mörk fyrir Elverum sem er í 7. sæti A-riðils og vann sinn fyrsta sigur í Meistaradeildinni í vetur.
Flensburg - Aalborg 29:32
Janus Daði Smárason skoraði 7 mörk fyrir Aalborg en Ómar Ingi Magnússon er frá keppni vegna meiðsla. Arnór Atlason er aðstoðarþjálfari liðsins. Aalborg hafnar í 4. sæti A-riðils og stendur vel að vígi þegar fjórar umferðir eru eftir.
ÞÝSKALAND
Erlangen - Wetzlar 25:31
Viggó Kristjánsson skoraði 2 mörk fyrir Wetzlar en Aðalsteinn Eyjólfsson er þjálfari Erlangen. Wetzlar er í 10. sæti með 14 stig eftir 14 leiki. Erlangen er í 13. sæti með 10 stig.
Stuttgart - Nordhorn 29:24
Elvar Ásgeirsson skoraði ekki fyrir Stuttgart. Geir Sveinsson þjálfar Nordhorn. Stuttgart er í 15. sæti með 8 stig eftir 14 leiki og Nordhorn í botnsætinu með 2 stig eftir 15 leiki.
SVÍÞJÓÐ
Lugi - Kristianstad 28:32
Teitur Örn Einarsson skoraði 6 mörk fyrir Kristianstad en Ólafur Guðmundsson komst ekki á blað. Liðið er í 4. sæti deildarinnar með 18 stig eftir 13 leiki.
NOREGUR
Drammen - Arendal 31:31
Óskar Ólafsson skoraði ekki fyrir Drammen, sem er í 4. sæti deildarinnar með 13 stig eftir 9 leiki.