Japönsku gestgjafarnir á heimsmeistaramóti kvenna í handknattleik eru komnir með fjögur stig eftir tvo fyrstu leiki sína á mótinu í Kumamoto.
Eftir fjögurra marka sigur á Argentínu á laugardaginn fylgdi japanska liðið því eftir í morgun með því að vinna Kongó af öryggi, 28:16, í annarri umferð D-riðils. Mana Ohyama var atkvæðamest í japanska liðinu og skoraði 6 mörk en hjá Kongó var Roseline Ngo Leyi með 4 mörk.
Rússland og Japan eru með 4 stig í riðlinum en Svíar eru með tvö stig og mæta stigalausum Kínverjum á eftir í síðasta leik annarrar umferðar.