Dregið var til átta liða úrslita bikarkeppni karla og kvenna í handknattleik, Coca Cola-bikarsins, nú í hádeginu en drátturinn fór fram í Smárabíói í Kópavogi.
Haukar og Fjölnir drógust saman hjá báðum kynjum en hvort félagið fær þó sinn heimaleik því karlaliðin mætast á Ásvöllum og kvennaliðin í Grafarvogi.
Þessi lið mætast í 8-liða úrslitum kvenna:
FH - Valur
HK - Fram
ÍR - KA/Þór
Fjölnir - Haukar
Þessi lið mætast í 8-liða úrslitum karla:
Afturelding - ÍR
Haukar - Fjölnir
Stjarnan - Selfoss
ÍBV - FH
Leikirnir fara fram 5. og 6. febrúar en úrslitahelgi bikarkeppninnar er um mánaðamótin febrúar/mars.