Kristianstad vann sinn fjórða leik í röð í sænsku úrvalsdeildinni í handbolta er liðið lagði Redbergslids á heimavelli, 29:27, í kvöld.
Redbergslids var með 25:23-forystu þegar skammt var eftir en Kristianstad var sterkari aðilinn í lokin og tryggði sér sterkan sigur.
Teitur Örn Einarsson átti góðan leik fyrir Kristianstad og skoraði átta mörk en Ólafur Andrés Guðmundsson lék ekki með liðinu vegna meiðsla.
Kristianstad er í þriðja sæti með 38 stig, þremur stigum á eftir toppliði Malmö.