Guðjón Valur Sigurðsson og samherjar hans hjá PSG gerðu í kvöld 29:29-jafntefli gegn Nantes á útivelli í frönsku 1. deildinni í handbolta.
PSG tapaði sínu fyrsta stigi í deildinni í leiknum, en fram að honum hafði liðið unnið fyrstu 16 deildarleikina á tímabilinu.
Guðjón átti góðan leik fyrir PSG og skoraði fimm mörk úr sex skotum. Aðeins Sander Sagosen skoraði meira fyrir PSG, eða sex mörk.
PSG er í toppsætinu með 33 stig, sex stigum meira en Nantes, sem er í öðru sæti.