Óskar Ólafsson skoraði fjögur mörk fyrir Drammen þegar liðið fékk Fyllingen í heimsókn í norsku úrvalsdeildinni í handknattleik í dag.
Leiknum lauk með 29:29-jafntelfi en Óskar var næst markahæstur í liði Drammen ásamt Sebasitan Aho.
Fyllingen leiddi með tveimur mörkum í hálfleik, 13:11, en Drammen tókst að koma til baka í síðari hálfleik og jafna metin.
Drammen hefur farið vel af stað í norsku úrvalsdeildinni á tímabilinu og er með 7 stig í þriðja sæti deildarinnar eftir fyrstu fjórar umferðirnar.