Fjölnir-Fylkir hafði betur gegn ÍR, 23:22, á útivelli í 1. umferð Grill 66 deildar kvenna í handbolta, 1. deild. Var tekin ákvörðun í vor um að Fjölnir og Fylkir myndu senda sameiginlegt lið til leiks á tímabilinu.
Ada Kozicka skoraði sex mörk fyrir Fjölni-Fylki og Anna Karen Jónsdóttir bætti við fimm. Ólöf Marín Hlynsdóttir skoraði átta fyrir ÍR.
Fram U hafði betur gegn Gróttu á útivelli, 30:25. Lena Margrét Valdimarsdóttir skoraði níu mörk fyrir Fram og þær Erna Guðlaug Gunnarsdóttir og Harpa María Friðgeirsdóttir sjö mörk hvor. Tinna Valgerður Gísladóttir skoraði tíu fyrir Gróttu.
Þá vann Valur U 30:24-sigur á Víkingi á heimavelli. Lilja Ágústsdóttir skoraði tíu fyrir Val og þær Þórunn Jóhanna Þórisdóttir og Hanna Karen Ólafsdóttir sjö hvor. Viktoría McDonald skoraði átta fyrir Víking.