Línumaðurinn Sveinn José Rivera er að ganga til liðs við handknattleikslið ÍBV en það er handbolti.is sem greinir frá þessu.
Sveinn lék með Aftureldingu í úrvalsdeild karla, Olísdeildinni, á síðustu leiktíð en hann varð meðal annars bikarmeistari með Val árið 2017.
Hann skoraði 37 mörk í 20 leikjum með Aftureldingu á síðustu leiktíð en er að flytja til Vestmannaeyja og hefur því ákveðið að söðla um að því er fram kemur á handbolti.is.