Ómar Ingi Magnússon átti stórleik fyrir Magdeburg í 29:33 tapi gegn Leipzig í þýsku 1. deildinni í handknattleik karla í dag. Ómar var markahæstur í leiknum og skoraði 10 mörk úr 13 skotum, auk þess sem hann gaf 4 stoðsendingar fyrir samherja sína.
Þá skoraði Gísli Þorgeir Kristjánsson 3 mörk úr 4 skotum fyrir Magdeburg og gaf eina stoðsendingu.
Magdeburg siglir lygnan sjó um miðja deild þar sem liðið er í 12. sæti með 8 stig eftir 8 leiki. Leipzig komst með sigrinum upp í 6. sæti deildarinnar með 11 stig eftir eftir 9 leiki.