Fór úr axlarlið á Hlíðarenda

Valþór Atli Guðrúnarson, til vinstri, horfir á Anton Rúnarsson Valsmann …
Valþór Atli Guðrúnarson, til vinstri, horfir á Anton Rúnarsson Valsmann skjóta að marki í leiknum í gærkvöld. mbl.is/Kristinn Magnússon

Valþór Guðrúnarson, leikmaður Þórs á Akureyri, slasaðist á öxl í gærkvöld þegar lið hans tapaði naumlega fyrir Val á Hlíðarenda, 30:27, í úrvalsdeild karla í handknattleik, Olísdeildinni.

Þetta kemur fram á Akureyri.net en sagt er að hann hafi lent illa á gólfinu eftir að hafa komið Þór í 20:19 þegar 20 mínútur voru eftir af leiknum og farið úr axlarlið. Fagfólk hafi komið honum aftur í lið áður en Valþór fór af velli en hann hafi áður orðið fyrir samskonar meiðslum og myndataka muni leiða í ljós hvort hann þurfi að fara í aðgerð.

mbl.is