Íslendingaliðið Gummersbach tapaði afar óvænt fyrir Fürstenfeldbruck í þýsku B-deildinni í handbolta í kvöld, 25:32.
Elliði Snær Viðarsson leikur með liðinu og Eyjamaðurinn skoraði fjögur mörk. Guðjón Valur Sigurðsson þjálfar Gummersbach.
Gummerbach er í öðru sæti deildarinnar með 29 stig, tveimur stigum á eftir toppliði Hamburg en liðin mætast í toppslag í næstu umferð. Fürstenfeldbruck er enn í neðsta sæti deildarinnar þrátt fyrir sigurinn með 10 stig eftir 20 leiki.