Miðjumaðurinn Dagur Arnarsson hefur framlengt samning sinn við handknattleiksdeild ÍBV um tvö ár.
Frá þessu var greint á Facebook-síðu handknattleiksdeildar ÍBV í gær.
Dagur, sem er 23 ára gamall, hefur skorað 52 mörk í 12 leikjum með ÍBV í Olís-deildinni á tímabilinu.
Hann hefur verið lykilmaður hjá uppeldisfélagi sínu undanfarin ár og vann meðal annars bikarkeppni HSÍ með liðinu á síðasta ári.