Landsleik Íslands frestað

Guðmundur Þórður Guðmundsson, landsliðsþjálfari Íslands.
Guðmundur Þórður Guðmundsson, landsliðsþjálfari Íslands. AFP

Landsleik Íslands gegn Ísrael, sem fara átti fram í Tel Aviv í Ísrael á fimmtudaginn kemur í undankeppni EM í handknattleik, hefur verið frestað.

Þetta staðfesti Róbert Geir Gíslason, framkvæmdastjóri HSÍ, í samtali við mbl.is í dag.

„EHF hefur tekið þá ákvörðun að fresta leik Íslands gegn Ísrael í undankeppni EM 2022 en leikurinn átti að fara fram nk. fimmtudag í Tel Aviv,“ segir í fréttatilkynningu sem HSÍ sendi frá sér í dag.

„Miklar hömlur eru á flugsamgöngum til Ísrael og hefur skrifstofa HSÍ ítrekað lent í að flug til Ísrael hafi verið fellt niður.

Ekki hefur verið ákveðið hvenær leikurinn fer fram en EHF muna taka ákvörðun um það á næstu dögum,“ segir ennfremur í tilkynningu HSÍ.

mbl.is
Fleira áhugavert
Fleira áhugavert