Þórsarinn Hörður Fannar Sigþórsson er hættur handknattleiksiðkun eftir tuttugu og eitt tímabil í meistaraflokki.
Hörður Fannar mun hafa lýst þessu yfir á Facebook-síðu sinni en Handbolti.is segir frá tíðindunum í kvöld.
Hörður Fannar lék með Þór, Akureyri og HK hér heima en hefur búið síðustu níu árin í Færeyjum og leikið með Kyndli, Klaksvík og KÍF frá Kollafirði. Auk þess lék hann um tíma með Aue í Þýskalandi.
Hörður er línumaður og öflugur varnarmaður og lék með yngri landsliðum Íslands á sínum tíma.