Óðinn Þór Ríkharðsson átti góðan leik fyrir Holstebro þegar liðið fékk Skanderborg í heimsókn í úrslitakeppni dönsku úrvalsdeildarinnar í handknattleik í dag.
Leiknum lauk með fimm marka sigri Holstebro, 34:29, en Óðinn Þór skoraði fjögur mörk úr níu skotum í leiknum.
Holstebro er með 5 stig í efsta sæti 2. riðils úrslitakeppninnar en tvö efstu liðin í riðlinum komast áfram í undanúrslit úrslitakeppninnar.
Í hinum riðlinum er GOG, lið Viktors Gísla Hallgrímssonar landsliðsmarkvarðar, í efsta sætinu með sex stig eftir tvo leiki og Bjerringbro/Silkeborg er í öðru sætinu með þrjú stig.