Elvar Ásgeirsson félagar hans í franska handknattleiksliðinu Nancy töpuðu gegn Saran í úrslitaleik B-deildarinnar í dag, 36:31.
Tapið kemur ekki að sök þar sem lið Nancy var búið að tryggja sér sæti í frönsku efstu deildinni á næstu leiktíð. Það gerðu Elvar og félagar með því að leggja Pontault að velli í undanúrslitum umspilsins. Leikurinn í dag var aðeins úrslitaleikur deildarinnar, en bæði Nancy og Saran leika í efstu deild næsta vetur.
Elvar skoraði fimm mörk í leiknum úr sex skotum en alls skoraði hann 58 mörk á tímabilinu.