Handknattleiksdeild ÍBV og serbneska landsliðskonan Marija Jovanovic hafa komist að samkomulagi um að hún leiki með liðinu næstu tvö tímabil.
Jovanovic er 26 ára og varð serbneskur meistari með Jagodina á nýliðinni leiktíð. Þá er hún landsliðskona Serbíu.
ÍBV tapaði fyrir Íslandsmeisturum KA/Þórs í undanúrslitum Íslandsmótsins. Jovanovic gæti leikið með Serbíu gegn Íslandi því liðin eru saman í riðli í undankeppni EM.