Valsmenn fara með forskot á Ásvelli
Setja bókamerki
Valsmenn eru með þriggja marka forskot þegar úrslitarimman á Íslandsmóti karla í handknattleik er hálfnuð. Valur vann Hauka í fyrri úrslitaleiknum í Origo-höllinni á Hlíðarenda í kvöld 32:29.
Liðin mætast aftur á föstudagskvöldið á Ásvöllum í Hafnarfirði og þra ráðast úrslitin.
Valur var með fimm marka forskot að loknum fyrri hálfleik 19:14. Haukar höfðu byrjað betur og komist í 3:1 en þá kom 6:1 kafli hjá Val. Forskot Vals varð mest sex mörk 13:7 í leiknum en Valsmenn léku afskaplega vel í fyrri hálfleik.
Haukar náðu smám saman að saxa á forskot Vals í síðari hálfleik og tókst að minnka muninn niður í eitt mark þegar tæpar tíu mínútur voru eftir. Valsmenn náðu þá aftur að gefa í og náðu fjögurra marka forskoti. Geir Guðmundsson skoraði síðasta mark leiksins fyrir Hauka og minnkaði þá muninn niður í þrjú mörk.
Hvert mark gæti skipt máli þar sem fyrirkomulag úrslitakeppninnar er með öðru sniði þetta árið. Liðin leika tvo leiki og samanlögð úrslit gilda í stað þess að vinna þurfi þrjá leiki til að verða meistari.
Leikurinn var mjög hraður og verður áhugavert að sjá hvort sama keyrsla verði upp á teningnum í síðari leiknum.
Haukar urðu deildarmeistarar í vetur og sigruðu síðan Aftureldingu í átta liða úrslitum og Stjörnuna í undanúrslitum. Valsmenn enduðu í þriðja sæti deildarinnar og unnu KA í átta liða úrslitum og ÍBV í undanúrslitum.
| Valur | 32:29 | Haukar |
|
|---|---|---|---|
| Geir Guðmundsson (Haukar) skoraði mark Lyfti sér upp fyrir utan. | |||
„Þögnin er ærandi“
„Við eigum hvergi heimili“
Aukin tíðni þungunarrofa hjá yngsta aldurshópnum
Slökkva í síðustu glæðunum á morgun
Hjón sluppu með skrekkinn
Benda á Samgöngustofu sem bendir út í heim
Allar rúður brotnar hjá Fiskikónginum
Myndskeið: Braut rúðurnar og rölti svo í burtu