Fram komst í kvöld í undanúrslit Coca Cola bikars kvenna í handknattleik með sigri á Haukum á Ásvöllum.
Fram vann Hauka 29:24 og skoraði Ragnheiður Júlíusdóttir 8 mörk fyrir Framara. Karen Knútsdóttir skoraði 6 mörk í sjö skotum.
Hafdís Renötudóttir varði 13 skot í markinu. Annika Petersen varði 11 skot í marki Hauka.
Ásta Björt Júlíusdóttir skoraði 7 mörk frir Hauka og Sara Odden skoraði 4.