Þýsku systurnar Maike Merz og Tanja Kuttler munu dæma fyrri viðureign FH og SKA Minsk í Evrópubikarkeppninni í handknattleik karla í Kaplakrika á laugardaginn.
Handbolti.is vekur athygli á þessu og er þetta líkast til í fyrsta skipti sem konur dæma Evrópuleik karla hérlendis.
Merz og Kuttler eru reynslumiklir dómarar sem hafa um langt árabil dæmt leiki í þýsku 1. deildinni karlamegin.
Leikur FH gegn Minsk hefst klukkan 17 á laugardaginn og fer sem áður segir fram í Kaplakrika.