Handknattleiksmaðurinn Alexander Petersson er búinn að skrá sig í sögubækurnar í þýsku 1. deildinni en hann lék á dögunum sinn 500. leik í henni.
Alexander varð þar með fyrsti Íslendingurinn til þess að ná því afreki í einni sterkustu, ef ekki þeirri sterkustu, deild heims.
Alexander, sem er 41 árs gamall en ennþá í fullu fjöri, hefur nú leikið 502 leiki í deildinni eftir að hafa leikið sinn fyrsta leik í henni árið 2004, þá 24 ára.
Hann er nú á mála hjá Íslendingaliði Melsungen en hefur einnig leikið með Flensburg, Rhein-Neckar Löwen, Füchse Berlín, Grosswallstadt og Düsseldorf í þýsku 1. deildinni.
Þýski handboltasérfræðingurinn Fabian Koch skýrir frá þessu á Twitter og birtir lista yfir þá fimmtán leikmenn sem hafa náð að spila 500 leiki. Á þeim lista eru þrettán Þjóðverjar og tveir erlendir leikmenn, Alexander sem er í fjórtánda sæti listans og sænski markvörðurinn Mattias Andersson sem lék 569 leiki á sínum tíma.
Leikjahæstur í sögu deildarinnar er markvörðurinn Carstein Lichtlein sem lék 686 leiki, markvörðurinn Jan Holpert lék 625 og Christian Schwarzer lék 600 leiki.
Most games:
— Fabian Koch (@Fabian_Handball) November 25, 2021
686 Carsten Lichtlein
625 Jan Holpert
600 Christian Schwarzer
589 Henning Fritz
586 Volker Zerbe
574 Jogi Bitter
569 Mattias Andersson
561 Stefan Hecker
552 Michael Haaß
543 Holger Glandorf
539 Silvio Heinevetter
528 Andreas Thiel
502 Alex Petersson
501 Thomas Knorr