Handknattleiksþjálfarinn Aðalsteinn Eyjólfsson er ekki á förum frá Kadetten Schaffhausen í Sviss en samningur hans átti að renna út næsta sumar.
Félagið hefur nú gert nýjan samning við Aðalstein sem gildir ári lengur en sá fyrri. Aðalsteinn er því samningsbundinn fram á sumarið 2023.
Ánægja er með störf Aðalsteins hjá Kadetten Schaffhausen sem skiljanlegt er því liðið er taplaust eftir tólf umferðir á tímabilinu. Liðið komst í riðlakeppni Evrópudeildarinnar með því að slá út spænska liðið Granollers. Auk þess varð Kadetten Schaffhausen bikarmeistari á síðasta tímabili undir stjórn Aðalsteins.
Tilkynning Kadetten Schaffhausen