Fatemeh Khalili, markvörður íranska kvennalandsliðsins í handknattleik, átti erfitt með að fela tilfinningar sínar þegar hún var valin maður leiksins eftir leik Írans og Noregs í C-riðli heimsmeistaramóts kvenna sem fram fer á Spáni í gær.
Íran, sem er að taka þátt á HM í fyrsta sinn, hefur ekki riðið feitum hesti á mótinu til þessa en liðið tapaði fyrsta leiknum gegn Rúmeníu 11:39 og svo gegn Noregi í gær, 9:41.
Khalili hefur hins vegar staðið sig afar vel í markinu og varði 18 skot gegn Rúmenum í fyrsta leik og sjö skot gegn Noregi í gær.
Eftir að tilkynnt var um mann leiksins í gær brutust út mikil fagnaðarlæti í íþróttasalnum en Khalili var svo fagnað vel og innilega af liðsfélögum sínum en hún 25 ára gömul.
🥺 𝑻𝑯𝑰𝑺 𝑰𝑺 𝑯𝑨𝑵𝑫𝑩𝑨𝑳𝑳 ❤️
— Women's Handball WCh Spain 2021 (@SheLOVsHandball) December 6, 2021
🇮🇷 What a special moment, Fatemeh Khalili Behfar (@IRIHF_Official)!#SheLovesHandballpic.twitter.com/bnla4f4APi