Ólafur Stefánsson er á leið til Þýskalands á nýjan leik þar sem hann verður aðstoðarþjálfari 1. deildarliðs Erlangens í handknattleik.
Það er Vísir.is sem greinir frá þessu en en Ólafur mun skrifa undir samning við þýska félagið sem gildir út keppnistímabilið.
Raúls Alonso er þjálfari Erlangen í dag en liðið er sem stendur í 13. sæti þýsku 1. deildarinnar en hann var áður yfirmaður handknattleiksmála hjá félaginu.
Spánverjinn tók hins vegar við þjálfun liðsins eftir að Michael Haas var sagt upp störfum í ársbyrjun 2022.
Í frétt Vísis kemur meðal annars fram að ekki sé útilokað að Ólafur taki alfarið við þjálfun liðsins í sumar.
Ólafur þjálfað síðast karlalið Vals í stutta stund, tímabilið 2013-14 og þá var hann aðstoðarþjálfari íslenska karlalandsliðsins frá 2015 til 2016.