Óskar Ólafsson lék vel fyrir Drammen þegar liðið vann öruggan 38:30-sigur á Arendal í þriðja leik liðanna í undanúrslitum norsku úrslitakeppninnar í handknattleik karla í kvöld.
Drammen var komið með bakið upp við vegg eftir að hafa tapað fyrstu tveimur leikjunum. Staðan í einvíginu er nú 2:1, Arendal í vil.
Í kvöld átti Drammen þó í engum vandræðum með Arendal og getur nú freistað þess að knýja fram oddaleik með sigri í fjórða leiknum í Arendal í næstu viku.
Óskar lét vel að sér kveða og skoraði fjögur mörk fyrir Drammen í kvöld.