Pólska Íslendingaliðið Kielce mætir ungverska stórliðinu Veszprém í undanúrslitum Meistaradeildar Evrópu í handbolta en dregið var í dag.
Landsliðsmennirnir Haukur Þrastarson og Sigvaldi Björn Guðjónsson leika með Kielce. Ríkjandi meistarar í Barcelona og Kiel mætast í hinum undanúrslitaleiknum.
Úrslitahelgi Meistaradeildarinnar fer fram í Lanxess-höllinni í Köln í Þýskalandi. Undanúrslitin fara fram 18. júní og úrslitaleikurinn degi síðar.