Barcelona Evrópumeistari eftir sigur í vítakeppni
Setja bókamerki
Barcelona er Evrópumeistari í handbolta annað árið í röð eftir sigur í vítakeppni gegn pólska liðinu Vive Kielce í æsispennandi úrslitaleik í Köln í dag.
Lokatölur í venjulegum leiktíma voru 28:28 eftir ótrúlegar lokamínútur þar sem Artsem Karalek jafnaði metin fyrir Kielce á síðustu stundu. Barcelona leiddi 14:13 í hálfleik en hnífjafnt var með liðunum allan síðari hálfleikinn.
Það sama gildi í framlengingu en þar voru Börsungar með eins marks forystu eftir fyrri hluta framlengingarinnar, 30:29.
Daniel Dujshebaev jafnaði metin fyrir Kielce í 30:30 á upphafsmínútu síðari hálfleiks framlengingarinnar. Kielce var svo hársbreidd frá því að landa titlinum þangað til Dika Mem jafnaði metin fyrir Barcelona á 70. mínútu og því efnt til vítakeppni þar sem Barcelona hafði að lokum betur, 3:2.
Þetta er ellefti Evrópumeistaratitill í sögu Barcelona og annar titill félagsins í röð. Aleix Gomez var markahæsti leikmaðurinn í úrslitaleiknum með níu mörk, eina stoðsendingu og eitt frákast.
Haukur Þrastarsson og Sigvaldi Guðjónsson voru hvorugir í leikmannahópi Kielce í dag.
Vona að Orkustofnun veiti ekki virkjunarleyfi
Æskuvinur Íslendings myrtur í Noregi
„Á réttri leið en nokkuð í land ennþá“
Verðbólgan komin niður í 6%
Skiptir miklu meira máli en fólk grunar
„Okkur miðar í rétta átt“
Veiting hvalveiðileyfis ekki brot á EES-samningi
Árshátíð ríkislögreglustjóra haldin í Tékklandi