Íþróttir | Handbolti | mbl | 1.7.2022 | 10:15 | Uppfært 10:42

Bjarki, Ómar og Gísli saman í riðli

Bjarki Már Elísson. Ómar Ingi Magnússon og Viktor Gísli Hallgrímsson, allir á myndinni, verða í Meistaradeildinni. Ljósmynd/Szilvia Micheller

Sex Íslendingalið taka þátt í Meistaradeild karla í handknattleik á næstu leiktíð. Áðan í Vín var dregið í riðlana tvo. Átta lið eru í hvorum riðli. Keppnin byrjar 14. september.

Efstu sex félögin í hvorum riðli fara áfram í útsláttarkeppni. Efstu tvö liðin í riðlunum fara beint í 8-liða úrslitin, hin fara í fyrstu umferð útsláttarkeppninnar.

Bjarki Már Elísson og félagar í Veszprém verða með Ómari Inga Magnússyni, Gísla Þorgeiri Kristjánssyni og félögum í Magdeburg í A-riðlinum.

Hinir Íslendingarnir verða saman í riðli, en þeir eru fjórir.

Orri Freyr Þorkelsson með Elverum, Aron Pálmarsson með Aalborg, Viktor Gísli Hallgrímsson með Nantes og Haukur Þrastarson með Kielce.

Riðlarnir í heild sinni:

A-riðill

PSG frá Frakklandi

Magdeburg frá Þýskalandi

GOG frá Danmörku

Porto frá Portúgal

Bucuresti frá Rúmeníu

Veszprém frá Ungverjalandi

Wisla Plock frá Póllandi