Arnór Atlason, þjálfari danska U20 ára landsliðs karla í handbolta, hefur framlengt samning sinn um eitt ár. Hann verður því þjálfari liðsins á heimsmeistaramóti U21 árs landsliða sem fer fram á næsta ári.
Hann tók við þjálfun á þessum árgangi fyrir þremur árum. Undir stjórn hans hafnaði landsliðið í fimmta sæti á Evrópumóti U19 ára í Króatíu í ágúst í fyrra.
Arnór er einnig aðstoðarþjálfari hjá Aalborg í Danmörku þar sem Aron Pálmarsson leikur. Arnór lék 200 leiki fyrir íslenska landsliðið í handknattleik og skoraði í þeim yfir 400 mörk. Arnór var hluti af landsliði Íslands sem vann silfurverðlaun á Ólympíuleikunum í Bejing árið 2008.