„Mér fannst þetta mjög góður leikur hjá ykkur og gaman að koma inn á til að skora mitt fyrsta mark fyrir landsliðið,“ sagði Lilja Ágústsdóttir, sem kom inn á í sína fyrstu mótsleiki um helgina þegar kvennalandslið Íslands tók á móti Ísrael í Hafnarfirði í forkeppni HM kvenna í handbolta.
Lilja kom inn á í dag og undir lokin skoraði hún sitt fyrsta mark við mikinn fögnuð í stúkunni jafnt sem á vellinum. „Mér finnst gaman að koma inn í þetta lið. Margar stelpurnar eru með mikla reynslu, búnar að spila marga leiki en góðar við mann og hjálpa. Mér fannst fyrri leikurinn geta boðið upp á óvænta hluti því við vissum ekki alveg nógu mikið um tvo nýja leikmenn hjá Ísrael en mér fannst þetta góðir leikir hjá okkur,“ sagði Lilja.