Þórir stýrði Noregi til sigurs á EM
Nora Mørk fagnar einu marka sinna í leiknum í kvöld.
AFP/Jure Makovec
Setja bókamerki
Noregur, undir stjórn Þóris Hergeirssonar, vann Danmörku 27:25 í úrslitaleik Evrópumótsins í handbolta kvenna í Slóveníu í kvöld.
Danmörk skoraði fyrstu tvö mörk leiksins og hélt forystunni allt þar til um sex mínútur voru til leiksloka. Þá komst Noregur yfir í fyrsta skipti í leiknum og sigldi mögnuðum sigri í höfn en norska liðið skoraði níu af síðustu tólf mörkum leiksins.
Nora Mørk dró vagninn í norska liðinu en hún endaði sem markahæsti leikmaður vallarins með átta mörk. Hjá Dönum var Louise Burgaard markahæst með 6 mörk.
Er þetta annað Evrópumótið í röð sem Noregur vinnur en liðið er ríkjandi Evrópu- og heimsmeistari.
Þórir Hergeirsson á hliðarlínunni í kvöld.
AFP/Jure Makovec
Aðkoman í gripahúsið mjög slæm
Gerir ráð fyrir 150 samningum í næstu viku
Segjast ekki vera á kaldri slóð
Hyggjast leyfa fólki að skoða gosið
Nauðgaði kærustu sinni og tók það upp
„Búið að vera í dreifingu í einhvern tíma“
Mikilvægt að vera á tánum