Elín Jóna Þorsteinsdótir, landsliðsmarkvörður í handknattleik, sneri aftur í mark Ringköbing í gær eftir að hafa verið lengi frá vegna meiðsla.
Elín Jóna meiddist á mjöðm í verkefni með landsliðinu í apríl síðastliðnum og þurfti að gangast undir aðgerð vegna þeirra.
Vegna meiðslanna hefur hún ekkert getað spilað í rúma sjö mánuði en var mætt aftur í mark félagsliðs síns í gær.
Þar varði Elín Jóna sex skot í 26:24-sigri Ringköbing á Skanderborg, liði Steinunnar Hansdóttur, í dönsku úrvalsdeildinni í gær.