Háspenna í lokin er Fram vann fyrir norðan

Fram vann góðan sigur á KA/Þór, 28:25, í KA-heimilinu á Akureyri í Olís deild kvenna í handbolta í dag.

Leikurinn var mjög jafn framan af en í seinni hálfleik náði Fram mest sex marka forystu. Norðankonur gáfust þó ekki upp og minnkuðu muninn niður í eitt mark þegar um mínúta var eftir, en þá skoraði Fram tvö mörk í röð og tryggði sér sigurinn.

Þórey Rósa Stefánsdóttir var markahæst í liði Fram en hún skoraði sjö mörk. Hjá KA/Þór var Nathalia Soares Baliana markahæst með 10 mörk.

Fram er í fjórða sæti deildarinnar með 25 stig, tveimur stigum minna en Stjarnan sem er í þriðja sæti. KA/Þór er í fimmta sæti með 12 stig, líkt og Haukar.

Mörk KA/Þórs: Nathalia Soares Baliana 10, Rut Jónsdóttir 7, Ida Margrethe Hoberg 4, Hildur Lilja Jónsdóttir 2, Anna Þyrí Halldórsdóttir 1, Kristín A. Jóhannsdóttir 1.

Mörk Fram: Þórey Rósa Stefánsdóttir 7, Perla Ruth Albertsdóttir 6, Sara Katrín Gunnarsdóttir 6, Steinunn Björnsdóttir 3, Kristrún Steinþórsdóttir 3, Erna Guðlaug Gunnarsdóttir 2, Tinna Valgerður Gísladóttir 1.

• Blogga um frétt