„Þetta er mjög góð hugmynd,“ sagði Katrín Jakobsdóttir forsætisráðherra, í Fyrsta sætinu, íþróttahlaðvarpi mbl.is og Morgunblaðsins, þega rætt var um íslenska karlalandsliðið í handbolta og fyrrverandi þjálfara liðsins Guðmund Þórð Guðmundsson.
Undir stjórn Guðmundar vann íslenska liðið til tveggja verðlauna á stórmóti, á Ólympíuleikunum í Peking árið 2008 og á Evrópumótinu í Austurríki árið 2010.
Guðmundur er þjóðhetja á Íslandi eftir árangur sinn með landsliðið en í þættinum var því meðal annars varpað fram hvort hann yrði ekki öflugur liðstyrkur fyrir stjórnmálaflokka landsins vegna vinsælda sinna.
„Ég ætla að fletta honum upp í símaskránni,“ bætti Katrín meðal annars við í léttum tón.
Hægt er að hlusta á umræðuna í heild í spilaranum hér fyrir ofan en þátturinn er einnig aðgengilegur á öllum helstu hlaðvarpsveitum.