Stórgóður í Svíþjóð

Arnar Birkir Hálfdánsson fór mikinn í naumu tapi Amo fyrir Hallby, 34:32, á heimavelli í sænsku úrvalsdeildinni í handknattleik í kvöld. 

Arnar Birkar var markahæstur í liði Amo með átta mörk. 

Amo er í tólfta og þriðja neðsta sæti deildarinnar með 14 stig. 

Ólafur Guðmundsson skoraði þá eitt mark í heimasigri Karlskrona á Helsingborg, 30:25. Karlskrona er í öðru sæti sænsku deildarinnar með 26 stig en Dagur Sverrir Kristjánsson var ekki með liðinu. 

Einar Bragi Aðalsteinsson skoraði eitt mark í tapi Kristianstad á heimavelli fyrir Malmö, 29:24. Kristianstad er í fjórða sæti deildarinnar með 23 stig. 

Tryggvi Þórisson skoraði ekki í jafntefli Svíþjóðarmeistara Sävehof gegn toppliði Ystad, 34:34, á heimavelli Sävehof. Sävehof er í fimmta sæti með 23 stig. 

• Blogga um frétt