Fram einum sigri frá úrslitum eftir háspennu

Fram er einum sigri frá úrslitum Íslandsmóts karla í handbolta eftir sigur á FH, 22:19, á heimavelli í öðrum leik liðanna í Úlfarsárdalnum í kvöld. Er Fram nú með 2:0-forystu í einvíginu. Þriðji leikurinn er næstkomandi fimmtudag, á sumardaginn fyrsta, í Kaplakrika.

Framarar byrjuðu betur og komust í 4:1 í upphafi leiks. FH svaraði og minnkaði muninn í 4:3 en Fram hélt frumkvæðinu og var með 9:5 forystu þegar tólf mínútur voru eftir af fyrri hálfleik.

FH-ingar lögðu ekki árar í bát, því þeir skoruðu sex af átta síðustu mörkum hálfleiksins og var staðan því hnífjöfn í hálfleik, 11:11.

FH komst yfir í fyrsta skipti í leiknum í stöðunni 14:13 snemma í seinni hálfleik. Framarar svöruðu og komust tveimur yfir, 16:14, þegar seinni hálfleikur var tæplega hálfnaður.

FH skoraði næstu þrjú mörk og komst í 17:16 og þannig var staðan þegar rúmar tíu mínútur voru eftir. Fram jafnaði í kjölfarið og var staðan 18:18 þegar rúmar fimm mínútur voru eftir.

FH skoraði næsta mark en Fram svaraði með þremur mörkum í röð og komst í 21:19 þegar rúm mínúta var eftir. Tókst FH ekki að jafna eftir það. 

Fram	22:19	FH	Opna lýsingu Loka
60. mín. Theodór Sigurðsson (Fram) skoraði mark Fram er að komast í 2:0!
Augnablik — sæki gögn...

• Blogga um frétt