Þriðji Gróttumaðurinn sem stekkur frá borði

ÍR hefur samið við handboltamanninn Elvar Otra Hjálmarsson um að leika með liðinu næstu tvö tímabil. Elvar Otri kemur frá Gróttu sem féll niður í 1. deild á nýafstöðnu tímabili.

Hann er þar með þriðji leikmaðurinn sem yfirgefur Gróttu í dag.

Frétt af mbl.is

Grótta missir annan leikmann

Frétt af mbl.is

Haukar styrkja sig

Áður höfðu Haukar tilkynnt um komu Jóns Ómars Gíslasonar frá félaginu og Afturelding um að Ágúst Ingi Óskarsson væri kominn í Mosfellsbæinn frá Seltjarnarnesi.

Hinn 24 ára gamli Elvar Otri ólst upp hjá Fjölni og er fjölhæfur leikmaður sem getur spilað allar stöður fyrir utan.

„Við ÍR-ingar erum afar ánægðir með komu Elvars og hlökkum til að sjá hann láta til sín taka í Skógarselinu. Fleiri jákvæðra fregna er að vænta úr okkar herbúðum á næstu dögum!“ sagði meðal annars í tilkynningu handknattleiksdeildar ÍR.

ÍR hélt sæti sínu í úrvalsdeildinni og leikur því áfram á meðal þeirra bestu á næsta tímabili.

• Blogga um frétt