Lilja og Ásdís Þóra Ágústsdætur verða í eldlínunni þegar Valur mætir Porrino úrslitaeinvígi Evrópubikarsins í handbolta. Fyrri leikurinn fer fram á morgun klukkan 15 og sá seinni á Hlíðarenda viku seinna.

Sigríður Unnur Jónsdóttir móðir þeirra þjálfaði dætur sínar í gegnum yngri flokka og faðir þeirra Ágúst Jóhannsson hefur þjálfað þær í meistaraflokki undanfarin ári.

„Það er rosalega mikið talað handbolta á heimilinu,“ sagði Sigríður í samtali við mbl.is í Vigo á Spáni, þar sem hún er mætt til að fylgjast með dætrum og eiginmanni í fyrri leiknum.

„Ég byrjaði að þjálfa þær þegar þær voru litlar og þær hafa ekki losnað við okkur foreldrana í sínum þjálfarateymum. Þær eru orðnar vanar því að hafa okkur á hliðarlínunni og með sér í þessu ferðalagi allan tímann.

Við fáum alltaf að heyra það þegar við komumst ekki á leiki. Þetta gerir okkur samheldnari og það er ótrúlega gaman og mikilvægt að fá að fylgja þeim,“ sagði Sigríður.

Tengdar fréttir

Úrslitaeinvígi Vals og Porrino

Vissi að þetta færi ekki í neina vitleysu

• Aldrei spilað í svona miklum látum
• Núna er Evrópa búin hjá mér
• Lesa hugsanir og vona það besta
• Ógeðslega erfiðar aðstæður

» Fleiri tengdar fréttir

• Blogga um frétt