Valur sigraði og mætir þýska Íslendingaliðinu
Setja bókamerki
Valur sigraði hollenska liðið Unirek, 30:26, á Hlíðarenda í dag í seinni leik liðanna í 2. umferð undankeppni Evrópudeildar kvenna í handbolta.
Fyrri leikur liðanna endaði 31:30 fyrir Valskonur sem þar með unnu einvígið með fimm mörkum samanlagt. Þær mæta nú þýska stórliðinu Blomberg-Lippe í einvígi um sæti í Evrópudeildinni en með Blomberg-Lippe leika landsliðskonurnar Díana Dögg Magnúsdóttir, Andrea Jacobsen og Elín Magnúsdóttir.
Valur byrjaði leikinn mjög vel og var sex mörkum yfir, 9:3, þegar stundarfjórðungur var liðinn af leiknum og Valur var með gott forskot út fyrri hálfleikinn.
Undir lok seinni hálfleiks hrökk þó markmaður Hollendinganna í gang og sóknin þeirra fór sömuleiðis að skora en Valur var yfir, 17:11 í hálfleik.
Valur byrjaði hræðilega illa í seinni hálfleik og gestirnir tóku 5:0 kafla og minnkuðu muninn í tvö mörk, 18:16 og þá tók Valur leikhlé.
Það hægðist á leiknum í seinni hálfleik og Valskonur náðu hægt og rólega að komast aftur inn í leikinn.
Það munaði aðeins tveimur mörkum á liðunum þegar seinni hálfleikur var hálfnaður, 22:20 fyrir Val og leikurinn var spennandi um tíma en gestirnir náðu aldrei að jafna og Valur tók yfir leikinn á lokamínútunum og vann sannfærandi sigur 30:26.
| Valur | 30:26 | Unirek |
|
|---|---|---|---|
| Ásthildur Jóna Þórhallsdóttir (Valur) skoraði mark | |||
Mjög þakklát fyrir stuðning Íslands
Sprakk í meltingarveginum á leið til Íslands
Þetta var eins og sýrudraumur
„Ég var í mjög erfiðri fjárhagsstöðu á þeim tíma“
Áfallið var ólýsanlegt
„Hann lýsti því að hann náði ekki andanum“
Sýnir að engin mörk eru virt