Hátíðleg setningarathöfn

Setningarathöfnin á Landsmóti hestamanna á Hólum í Hjaltadal var hátíðleg að vanda. Sérstaklega þegar prúðbúnir knapar riðu inn á völlinn í félagsbúningi sínum. Sigurður Ingi Jóhannsson, forsætisráðherra og Gunnar Bragi Sveinsson sjávarútvegs- og landbúnaðarráðherra voru á meðal fjölmargra sem héldu ræðu. Kristján Jóhannsson óperusöngvari og Magni Ásgeirsson tóku lagið með Karlakórnum Heimi.