Jakob sigraði annað árið í röð

Jakob S. Sigurðsson og Skýr frá Skálakoti sigruðu í fimmgangi annað árið í röð í kvöld en þá var keppt í fimmgangi í Meistaradeildinni í hestaíþróttum í Samskipahöllinni.

Nokkuð var um sviptingar í A-úrslitunum en eftir forkeppni var Olil Amble á Álfarni frá Syðri-Gegnishólum með 7,13 í einkunn. Jafnir í 2.-3. sæti voru þeir Hinrik Bragason á Byr frá Borgarnesi og Jakob á Skýr með 7,07 í einkunn.

Jakob og Olil höfðu sætaskipti í A-úrslitum en það gat ekki munað minna en Olil og Álfarinn hlutu 7,45 í einkunn, einungis 0,03 minna en Jakob. Í þriðja sæti endaði síðan Teitur Árnason á Sjóð frá Kirkjubæ með 7,38 í einkunn.

Top Reiter héldu forustunni í liðakeppninni en þeir eru með 139 stig. Lið Hrímnis/Export hesta náði þó að minnka muninn örlítið og er með 132,5 stig og í öðru sæti. Lið Líflands er komið í þriðja sæti með 124,5 en lið Ganghesta/Margrétarhofs tryggði sér fjórða sæti eftir frábært gengi í fimmgangnum, tveir knapar í úrslitum og hlutu þau liðaplattann að launum.

Í einstaklingskeppninni styrkti Jakob stöðu sína enn frekar en hann er efstur með 32 stig. Í öðru sæti er Aðalheiður Anna Guðjónsdóttir með 21 stig og í því þriðja er Árni Björn Pálsson með 18,5 stig.

Það getur allt gerst bæði í liða- og einstaklingskeppninni en nóg er af stigum í pottinum.

Hér fyrir neðan eru síðan niðurstöður kvöldsins en næst verður keppt í gæðingafimi 14. mars og mun keppnin fara fram í TM-höllinni í Víðidalnum.

Niðurstöður - Fimmgangur - A-úrslit

Sæti Knapi Hestur Lið Einkunn
1 Jakob Svavar Sigurðsson Skýr frá Skálakoti Lífland 7.48
2 Olil Amble, liðsstjóri Álfarinn frá Syðri-Gegnishólum Gangmyllan 7.45
3 Teitur Árnason Sjóður frá Kirkjubæ Top Reiter 7.38
4 Aðalheiður Anna Guðjónsdóttir Brimnir frá Efri-Fitjum Ganghestar / Margrétarhof 7.31
5 Hinrik Bragason Byr frá Borgarnesi Hestvit / Árbakki / Sumarliðabær 7.19
6 Ragnhildur Haraldsdóttir Þróttur frá Tungu Ganghestar / Margrétarhof 5.81

Niðurstöður - Fimmgangur - Forkeppni

Sæti Knapi Hestur Lið Einkunn
1 Olil Amble Álfarinn frá Syðri-Gegnishólum Gangmyllan 7.13
2-3 Hinrik Bragason Byr frá Borgarnesi Hestvit / Árbakki / Sumarliðabær 7.07
2-3 Jakob Svavar Sigurðsson Skýr frá Skálakoti Lífland 7.07
4 Ragnhildur Haraldsdóttir Þróttur frá Tungu Ganghestar / Margrétarhof 7.03
5-6 Teitur Árnason Sjóður frá Kirkjubæ Top Reiter 7.00
5-6 Aðalheiður Anna Guðjónsdóttir Brimnir frá Efri-Fitjum Ganghestar / Margrétarhof 7.00
7 Viðar Ingólfsson Hængur frá Bergi Hrímnir / Export hestar 6.87
8 Guðmundur Friðrik Björgvinsson Elrir frá Rauðalæk Lífland 6.83
9 Þórarinn Ragnarsson Ronja frá Vesturkoti Hrímnir / Export hestar 6.80
10 Árni Björn Pálsson Jökull frá Breiðholti í Flóa Top Reiter 6.73
11 Gústaf Ásgeir Hinriksson Sproti frá Innri-Skeljabrekku Hestvit / Árbakki / Sumarliðabær 6.70
12 Ásmundur Ernir Snorrason Kaldi frá Ytra-Vallholti Auðsholtshjáleiga / Horse export 6.63 13 Sigurður Vignir Matthíasson Milljarður frá Barká Ganghestar / Margrétarhof 6.57
14 Hulda Gústafsdóttir Roði frá Brúnastöðum 2 Hestvit / Árbakki / Sumarliðabær 6.50
15 Hanna Rún Ingibergsdóttir Dropi frá Kirkjubæ Lífland 6.40
16 Sigurður Sigurðarson Árdís frá Litlalandi Gangmyllan 6.27
17 Helga Una Björnsdóttir Júlía frá Syðri-Reykjum Hrímnir / Export hestar 6.23
18 Sigurbjörn Bárðarson Flóki frá Oddhóli Torfhús retreat 6.17
19-20 Bergur Jónsson Spurning frá Syðri-Gegnishólum Gangmyllan 6.13
19-20 Sina Scholz Nói frá Saurbæ Torfhús retreat 6.13
21 Þórdís Erla Gunnarsdóttir Hrafnar frá Auðsholtshjáleigu Auðsholtshjáleiga / Horse export 6.03
22-23 Sylvía Sigurbjörnsdóttir Héðinn Skúli frá Oddhóli Auðsholtshjáleiga / Horse export 5.93
22-23 Arnar Bjarki Sigurðsson Snillingur frá Íbishóli Torfhús retreat 5.93
24 Matthías Leó Matthíasson Galdur frá Leirubakka Top Reiter 5.33

mbl.is