Íþróttir | Hestar | mbl | 28.2.2020 | 16:28

Jakob vann þriðja árið í röð

Jakob Svavar Sigurðsson á Ský frá Skálakoti.

Það ríkti mikil spenna meðal hestaáhugamanna fyrir keppni í fimmgangi í Meistaradeildinni sem fram fór í Samskipahöllinni í Spretti í gærkvöldi. Nokkrir knapar lentu í erfiðleikum í sýningum sýnum og þá sérstaklega á skeiði, en það að leggja hest til skeiðs á litlum velli innandyra er með því erfiðara sem knapar framkvæma á hestum sínum.

Eftir forkeppni leiddi Olil Amble á Álfakletti frá Syðri-Gegnishólum en þetta var frumraun þeirra í keppni. Aldeilis lofandi keppnishestur þar á ferðinni. Eyrún Ýr Pálsdóttir á Hrannari frá Flugumýri var önnur og þá voru þeir jafnir í þriðja til fjórða sætinu Viðar Ingólfsson og Huginn frá Bergi og Elvar Þormarsson og Klassík frá Skíðbakka. Þórarinn Ragnarsson var fimmti að lokinni forkeppni og sigurvegari síðustu tveggja ára í þessari grein, Jakob Svavar Sigurðsson og Skýr frá Skálakoti voru síðastir inn í úrslit í sjötta sætinu.

Jakob Svavar Sigurðsson, Eyrún Ýr Pálsdóttir og Olil Amble á verðlaunapalli.

Í a-úrslitunum þurfti svo að grípa til sætaröðunar dómara til að skera úr um sigurvegara en þau voru jöfn í 1-2 sæti Jakob Svavar og Eyrún Ýr. Það fór svo að Jakob Svavar stóð uppi sem sigurvegari þriðja árið í röð á mýktarhestinum Ský frá Skálakoti.

Stigahæsta lið kvöldsins var lið Hjarðartúns en allir þrír knapar þessa liðs komust í úrslit þeir Jakob Svavar, Elvar og Þórarinn.

Næsta keppni fer fram sunnudaginn 8.mars en þá verður keppt í gæðingafimi

Fimmgangur F1
Opinn flokkur – Meistaraflokkur
Forkeppni
Sæti	Knapi	Hross	Einkunn
1	Olil Amble	Álfaklettur frá Syðri-Gegnishólum	7,33
2	Eyrún Ýr Pálsdóttir	Hrannar frá Flugumýri II	7,23
3-4	Viðar Ingólfsson	Huginn frá Bergi	7,10
3-4	Elvar Þormarsson	Klassík frá Skíðbakka I	7,10
5	Þórarinn Ragnarsson	Ronja frá Vesturkoti	7,07
6	Jakob Svavar Sigurðsson	Skýr frá Skálakoti	7,00
7	Ásmundur Ernir Snorrason	Kaldi frá Ytra-Vallholti	6,87
8	Hanna Rún Ingibergsdóttir	Dropi frá Kirkjubæ	6,83
9	Daníel Jónsson	Halla frá Flekkudal	6,77
10	Flosi Ólafsson	Dreyri frá Hofi I	6,73
11	Árni Björn Pálsson	Jökull frá Breiðholti í Flóa	6,67
12	Gústaf Ásgeir Hinriksson	Brynjar frá Bakkakoti	6,57
13	Sylvía Sigurbjörnsdóttir	Héðinn Skúli frá Oddhóli	6,50
14	Sigurður Vignir Matthíasson	Slyngur frá Fossi	6,40
15	Magnús Bragi Magnússon	Rosi frá Berglandi I	6,27
16	Elin Holst	Spurning frá Syðri-Gegnishólum	6,23
17	Guðmundur Björgvinsson	Elrir frá Rauðalæk	6,20
18	Hinrik Bragason	Lukku-Láki frá Stóra-Vatnsskarði	6,10
19	Sigurður Sigurðarson	Galdur frá Leirubakka	5,80
20-21	Arnar Bjarki Sigurðarson	Ramóna frá Hólshúsum	5,60
20-21	Hulda Gústafsdóttir	Byr frá Borgarnesi	5,60
22	Jóhann Magnússon	Frelsun frá Bessastöðum	5,30
23	Sigursteinn Sumarliðason	Heimir frá Flugumýri II	4,90
24	Glódís Rún Sigurðardóttir	Eldur frá Hrafnsholti	4,67
25	Teitur Árnason	Sjóður frá Kirkjubæ	0,00
A úrslit
Sæti	Knapi	Hross	Einkunn
1-2	Jakob Svavar Sigurðsson	Skýr frá Skálakoti	7,71
1-2	Eyrún Ýr Pálsdóttir	Hrannar frá Flugumýri II	7,71
3	Olil Amble	Álfaklettur frá Syðri-Gegnishólum	7,57
4	Elvar Þormarsson	Klassík frá Skíðbakka I	7,29
5	Viðar Ingólfsson	Huginn frá Bergi	6,90
6	Þórarinn Ragnarsson	Ronja frá Vesturkoti	6,86