Knattspyrnusamband Ísland ákvað að greiða sameinaðri umsókn Bandaríkjanna, Mexíkó og Kanada atkvæði sitt til þess að halda HM árið 2026 en kosning um keppnishaldið fór fram á þingi Alþjóða knattspyrnusambandsins, FIFA, í Moskvu í dag.
„Umsóknin fékk mjög góða umsögn frá FIFA og keppnin hefur, að áliti KSÍ, alla burði til þess að verða árangursrík á öllum þeim mælikvörðum sem stuðst var við í umsóknarferlinu,“ segir í frétt á vef KSÍ en Guðni Bergsson, formaður KSÍ, Guðrún Inga Sívertsen, varaformaður KSÍ, og Klara Bjartmarz, framkvæmdastjóri KSÍ, sátu þingið fyrir hönd Íslands.
Congratulations! https://t.co/ReW2QHGcDR
— Knattspyrnusambandið (@footballiceland) June 13, 2018