Lagðir af stað til Moskvu

Íslenska karlalandsliðið í knattspyrnu var rétt í þessu að stíga upp í flugvél sína á flugvellinum í Gelendzkik við Svartahaf og flýgur þaðan til Moskvu þar sem Ísland mætir Argentínu á laugardaginn.

Áætlað er að liðið lendi í Moskvu um klukkan 15.20 að íslenskum tíma, eftir tveggja og hálfs tíma flug, og það æfir síðan á Spartak-leikvanginum í fyrramálið.

Mbl.is er með í för og þessar myndir voru teknar rétt áður en liðið gekk um borð í flugvélina.