Samkvæmt króatíska dagblaðinu 24sata verður framherjinn Nikola Kalinic sendur heim af heimsmeistaramótinu eftir að hann neitaði að koma inn á í 2:0 sigri Króata á Nígeríu.
Þjálfari Króata, Zlatko Dalic, bað Kalinic um að koma inn á fyrir Mario Mandzukic þegar fimm mínútur voru eftir af leiknum en framherjinn neitaði vegna þess að hann sagðist hafa bakverki. Í hans stað kom Marko Pjaca og hefur dagblaðið heimildir fyrir því að Kalinic verði sendur heim í dag.
Fréttamannafundur hefur verið boðaður í dag þar sem þetta verður líklega staðfest.