Neymar biður um vernd

Neymar biður dómara um meiri vernd.
Neymar biður dómara um meiri vernd. AFP

Brasilíski knattspyrnumaðurinn Neymar bað í viðtölum eftir leikinn gegn Sviss um meiri vernd frá hættulegum tæklingum. Neymar, sem var að spila sinn fyrsta keppnisleik síðan í febrúar, sást haltra um völlinn og voru margir Brasilíumenn hræddir um að meiðslin væru að taka sig upp að nýju: „Ég varð fyrir höggi og fann fyrir verkjum, en þetta er ekkert til að hafa áhyggjur yfir. Eftir að líkaminn kólnar verða verkirnir aðeins verri en það er allt í lagi.“

Samkvæmt tölfræðifyrirtækinu Opta varð Neymar sá leikmaður sem oftast var brotið á í einum leik síðan Alan Shearer lék með enska landsliðinu á móti Túnis á HM 1998. Brotið var á Neymar alls tíu sinnum í leiknum. „Ég hef ekkert að segja um það. Mitt starf er að spila fótbolta, eða reyna að gera það. Það er hlutverk dómarana að sjá þessa hluti.“

mbl.is