Danski landsliðsmaðurinn Yussuf Poulsen er kominn í leikbann og missir af síðasta leik Dana í riðlakeppninni á HM í knattspyrnu þegar þeir mæta Frökkum.
Poulsen fékk að líta sitt annað gula spjald á HM þegar hann fékk boltann í höndina rétt við vítapunktinn í leik Dana og Ástrala sem nú stendur yfir. Vítaspyrna var dæmt sem Ástralar skoruðu úr.
Poulsen er fyrsti leikmaðurinn sem fær dæmdar á sig tvær vítaspyrnur á HM síðan Serbinn Milan Dudic gerði það á HM 2006 en það var einnig dæmd vítaspyrna á Danann í leiknum gegn Perú.